L-elezzjonijiet Ewropej 2024
Faċli biex taqra
X’inhuma l-elezzjonijiet Ewropej?
Fl-elezzjonijiet Ewropej,
in-nies fl-Unjoni Ewropea jivvutaw għal membri
biex jirrappreżentawhom fil-Parlament Ewropew.
L-Unjoni Ewropea hi magħrufa bħala l-UE.
L-elezzjonijiet isiru fis-27 pajjiż tal-UE.
Meta jsiru l-elezzjonijiet Ewropej?
L-elezzjonijiet isiru kull 5 snin.
L-aħħar elezzjonijiet saru f’Mejju 2019.
Meta se jsiru l-elezzjonijiet li jmiss?
L-elezzjonijiet li jmiss se jsiru mis-6 sad-9 ta’ Ġunju 2024.
Il-pajjiżi tal-UE jkollhom l-elezzjonijiet fi ġranet differenti.
Pereżempju,
fin-Netherlands l-elezzjonijiet isiru l-Ħamis,
u fi Franza jsiru l-Ħadd.
Għaliex hu importanti li tivvota?
Meta tivvota,
inti tagħżel lill-Membri tal-Parlament Ewropew.
Dawn il-Membri jieħdu deċiżjonijiet
li jaffettwaw il-ħajja tiegħek ta’ kuljum.
Pereżempju,
dawn id-deċiżjonijiet jaffettwaw l-impjiegi,
il-kura tas-saħħa u l-ambjent.
Il-vot tiegħek jagħmel differenza.
Jekk tivvota, tkun qed issemma’ leħnek.
X’inhuma r-regoli tal-elezzjonijiet?
Jekk trid tivvota,
jaf trid tirreġistra.
Tista’ tivvota darba biss f’kull elezzjoni.
Tista’ tivvota jekk tkun ċittadin tal-UE.
Tkun ċittadin tal-UE jekk tkun ċittadin ta’ pajjiż tal-UE.
Tista’ tivvota fl-elezzjonijiet ta’ pajjiż tal-UE li inti ċittadin tiegħu.
Jekk toqgħod f’pajjiż ieħor tal-UE, tista’ tivvota hemmhekk.
Tista’ tkun kandidat f’pajjiż wieħed tal-UE.
Dan jista’ jkun il-pajjiż tal-UE li int ċittadin tiegħu.
Inkella, jekk toqgħod f’pajjiż ieħor tal-UE,
tista’ tkun kandidat hemmhekk.
Fejn nista’ nsib informazzjoni fuq kif nivvota?
Fejn nista’ nsib ir-riżultati tal-elezzjonijiet?
X’jagħmlu l-Membri tal-Parlament Ewropew?
Il-Membri tal-Parlament Ewropew jissejħu MPE.
Il-MPE jirrappreżentaw l-450 miljun persuna li jgħixu fl-UE.
Il-MPE jaraw il-pjanijiet għal liġijiet ġodda tal-UE.
Il-MPE jbiddlu wkoll il-liġijiet biex jagħmluhom aħjar.
Il-MPE u l-Kunsill tal-UE jiddeċiedu fuq il-baġit tal-UE.
Il-MPE jiċċekkjaw kif qiegħda taħdem l-UE.
Il-MPE jivvutaw fuq ftehimiet kummerċjali ma’ pajjiżi barra mill-UE.
Il-MPE jtellgħu l-president tal-Kummissjoni Ewropea.
Kemm-il MPE se jiġu eletti?
Fl-2024, se jiġu eletti 720 MPE.
L-għadd ta’ MPE jiġi deċiż qabel kull elezzjoni.
L-għadd totali ta’ MPE ma jistax ikun aktar minn 750 u l-president.
Bħalissa hemm 705 MPE.
Kull pajjiż tal-UE jista’ jkollu minimu ta’ 6 MPE u massimu ta’ 96.
X’jiġri wara l-elezzjonijiet?
Il-MPE eletti jaħdmu biex jiffurmaw gruppi politiċi.
Il-gruppi jinkludu MPE minn pajjiżi u gruppi politiċi differenti.
Il-gruppi jkunu jridu jilħqu l-istess riżultati.
Il-MPE jtellgħu president għall-Parlament.
Il-MPE jtellgħu wkoll il-president tal-Kummissjoni Ewropea.
Skopri aktar fuq il-paġna ewlenija tal-elezzjonijiet Ewropej.