Inrochtaineacht

Ciallaíonn inrochtaineacht gréasáin a chinntiú gur féidir le gach duine, lena n-áirítear daoine faoi mhíchumas, rochtain a fháil ar fhaisnéis ar an idirlíon.

Tá inrochtaineacht bunriachtanach do dhaoine faoi mhíchumas ach tá sí úsáideach do gach duine. Mar shampla, tá cóimheas maith codarsnachta dathanna idir téacs agus cúlra buriachtanach do dhaoine a bhfuil lagú amhairc orthu, ach déanann sé an téacs níos inléite freisin faoi dhálaí soilsithe éagsúla amhail solas na gréine agus dallrú.

Tá an Pharlaimint tiomanta dá suíomhanna gréasáin a dhéanamh inrochtana trí chaighdeán Eorpach EN 301 549 v3.2.1 a chomhlíonadh. Cloíonn an caighdeán seo go dlúth leis na Treoirlínte maidir le hInrochtaineacht Ábhair Gréasáin (WCAG) 2.1 leibhéal AA. 

Baineann an ráiteas inrochtaineachta seo le hábhar a fhoilsítear ar an bhfearann https://elections.europa.eu/.

Tá an suíomh gréasáin seo i gcomhréir go páirteach le caighdeán Eorpach EN 301 549 v3.2.1 agus leis na Treoirlínte maidir le hInrochtaineacht Ábhair ar an nGréasán (WCAG) 2.1 leibhéal AA. Chun tuilleadh sonraí a fháil, féach ar an rannán ‘Ábhar neamh-inrochtana’. 

Ba cheart go mbeifeá in ann:

• zúmáil isteach suas le 400% a dhéanamh ar an suíomh gréasáin gan aon fhadhb
• nascleanúint a dhéanamh ar an suíomh gréasáin gan ach an méarchlár a úsáid
• nascleanúint a dhéanamh ar an gcuid is mó den suíomh gréasáin trí úsáid a bhaint as teicneolaíocht chúnta amhail léitheoir scáileáin nó formhéadaitheoir scáileáin

Inár dtástálacha, d’aithníomar saincheisteanna a raibh roinnt comhpháirteanna den suíomh gréasáin ag baint leo agus teicneolaíochtaí cúnta á n-úsáid againn i ngléasanna móibíleacha. Is ann do na saincheisteanna sin cé gur códaíodh na comhpháirteanna sin i gcomhréir leis na sonraíochtaí. Ní ann do na saincheisteanna sin le teicneolaíochtaí cúnta comhchosúla i ngléasanna deisce.

An dáta a ullmhaíodh an ráiteas seo: 10/12/2024.

Déanaimid measúnuithe inrochtaineachta doimhne go tréimhsiúil lena n-áirítear tástálacha láimhe, uathoibrithe agus léitheora scáileáin arna ndéanamh ag saineolaithe inrochtaineachta. Seachas sin, déanaimid faireachán leanúnach ar inrochtaineacht an tsuímh gréasáin agus déanaimid tástálacha sonracha sula gcuirtear ábhar nó feidhmiúlachtaí nua leis.

In ainneoin na n-iarrachtaí is fearr atá déanta againn chun inrochtaineacht an tsuímh gréasáin a chinntiú, is eol dúinn roinnt teorainneacha a bheith ann. Cuir in iúl dúinn má aimsíonn tú ceist nach bhfuil liostaithe thíos.

Leathanaigh ghréasáin faoi https://elections.europa.eu/ga/parliament-president/:

• ní chloíonn an seinnteoir físe go hiomlán leis na caighdeáin inrochtaineachta
• níl fotheidil sna físeáin
• tá tras-scríbhinn ar fáil i mBéarla amháin

Bunaithe ar ár dtástálacha agus in ainneoin teorainneacha, ba cheart go mbeadh úsáideoirí teicneolaíochtaí cúnta agus méarchlár cúnta, agus iad sin amháin, in ann an seinnteoir físe a oibriú.

Leathanaigh ghréasáin faoi https://elections.europa.eu/european-commission/ga/:

• ní chloíonn an seinnteoir físe go hiomlán leis na caighdeáin inrochtaineachta
• níl fotheidil sna físeáin
• ní chloíonn doiciméid go hiomlán leis na caighdeáin inrochtaineachta

Tá tuarascáil focal ar fhocal ar fáil.

Bunaithe ar ár dtástálacha agus in ainneoin teorainneacha, tá an chuid is mó de na doiciméid inléite ag teicneolaíochtaí cúnta.

Leathanaigh ghréasáin faoi https://results.elections.europa.eu/ga/:

• níl rochtain ag teicneolaíochtaí cúnta ar roinnt graf, léarscáileanna nó cairteacha. Sna cásanna sin, tá an fhaisnéis chéanna ar fáil i bhformáid tábla
• i gcás roinnt comhpháirteanna, tá fadhbanna ann a braitheadh le huirlisí fíoraithe inrochtaineachta uathoibrithe

Bunaithe ar ár dtástálacha agus in ainneoin teorainneacha, ba cheart go mbeadh na húsáideoirí uile in ann rochtain a fháil ar ábhar na leathanach gréasáin seo agus comhpháirteanna na leathanach gréasáin seo a oibriú.

Tá bileoga sonraí iomlána ar fáil i bhformáid scarbhileoige (comhaid ‘CSV’) ar an leathanach gréasáin seo a leanas: ‘Torthaí toghchán - Íoslódáil bileoga sonraí’.

Seachas na teorainneacha sin, tá leathanaigh ghréasáin uile a chuimsítear inár measúnú inrochtaineachta domhain i gcomhréir go hiomlán le caighdeán Eorpach EN 301 549 v3.2.1 agus leis na Treoirlínte maidir le hInrochtaineacht Ábhair ar an nGréasán (WCAG) 2.1 leibhéal AA.

Trí do thaithí a thuairisciú, cuideoidh sé linn an inrochtaineacht ar ár suíomh gréasáin a fheabhsú tuilleadh.

Cuir in iúl dúinn é le do thoil má bhíonn aon fhadhb agat, más gá duit rochtain a fháil ar fhaisnéis dorochtana nó má fheictear duit go bhfuil aon cheann dár ngnéithe úsáideach ar bhealach ar leith. Beimid i dteagmháil leat a luaithe agus is féidir.